Jøsenfjorden

Jøsenfjorden er majesteten i Ryfylkefjordane. Fjorden strekkjer seg innover i Hjelmeland kommune, og fjella stig rett opp til over 700 meter over havet. Langs begge sider ligg gardsbruk som er i drift i dag, men også gardar og husmannsplassar der folk har flytta frå.

Mektige fjell kneiser rett opp frå sjøen, med den karakteristiske «Skomakarnibba» midt i fjellsida. Namnet kjem frå eit segn om skomakaren som sat ytst på knausen og bøtte sko som straff. Er du heldig, ser du havørn sveve over fjorden.

Båtturen går heilt inn til Førrebotn. Her har dei færraste vore. Førre var sentralt under utbygginga av Ulla-Førre-anlegget. I dag bur det ingen her, og det er ikkje mogleg å kome hit med bil. Fjella lukkar fjorden inne, mobilen mistar dekning – eit mektig stad.